Sept. 19, 2023, 10:55 p.m.
كشف الناقد الفني طارق الشناوي عن رأيه في أغاني الفنان عمرو دياب الأخيرة، موضحًا أن كلماتها ليست بجودة كلمات أغانيه وقت بداياته.
وقال طارق الشناوي في لقائه مع الإعلامية أميرة بدر، في برنامجها «ملفات»: ممكن يفشل ليك عمل أو غنوة وتلاقي الموجة مختلفة فتستوعبها زي عمرو دياب، وأحيانًا الشعراء اللي مع عمرو دياب بياخدوا الحكم اللي على التكاتك ويحطوها في أغنية في ملعب عمرو دياب
وتابع: ممكن ياخدوا من موسيقي المهرجانات ويضيفوها للون عمرو دياب علشان يستمر على القمة، والاستمرار على القمة بيحتاج دايمًا أنك تستقبل الجديد، ولو عشت في حالة أن في مؤامرة وخناقة مش هتعمل حاجة.
أما عن أزمته مع الفنان مصطفى قمر، أكد طارق الشناوي، أنه يرفض التصالح معه، بعد أزمتهما الأخيرة، قائلًا: «زعلان على مصطفى قمر مش زعلان منه، وعلشان كده هاخد إجراءات نقابية وقانونية، طالما وصلنا لمرحلة السب والقذف العلني ملهاش حل غير القانون».
