تحدثت الفنانة الشابة داليا شوقي عن دورها في مسلسل سفاح الجيزة الذي أثار جدل كبير الذي أدي إلي تحول إسمها تريند على مواقع التواصل الاجتماعي وعن المواصفات التي تتمناها في شريك حياتها.
حيث علقت من خلال برنامج الستات مايعرفوش يكدبوا الذي يُعرض على قناة CBC:”السوشيال ميديا سلاح ذو حدين، هي وسيلة التواصل مع العالم الخارجي، وفي نفس الوقت ماينفعش دايما نسمع للعالم الخارجي، لأن في حاجات كتير متسلطة وشخصية من غير مشاهدة العمل،بسمع رأي المقربين مني وناس متأكدة من صراحتهم 100%، إلى جانب صناع الأعمال الفنانين والمنتجين والمخرجين وزملائي”.
واستكملت موضحة:”من الحاجات اللي كان دايما يقولها ما ينفعش تبني نجاحك على السوشيال ميديا، والنجاح لازم أولا أحس بيه، أكيد أتأثر بالسوشيال ميديا، لكن ما ينفعش أخليها مسطرة أقيس عليها نجاحي، وبالعكس في كلام كتير جميل، وناس شافت الصدمة في مشاهدي”.
والجدير بالذكر أنها اختتمت كلامها عن الصفة الأهم في فتى أحلامها:”قلبي مش بيتفتح كتير، والشخص اللي معاه مفتاحه لازم يكون حنين،مش مهم الشكل، المهم يكون بيعشقني وأنا أكيد بعشقه،شريك حياتي أكيد هيبقى متفهم شغلي وعارفني زي ما أنا، ومستحيل يطلب مني أبعد عن التمثيل”.