March 15, 2024, 7:34 a.m.
رد الممثل هشام عاشور على هجوم الممثل باسم سمرة عليه وزوجته نيللي كريم عندما حل الأخير ضيفا على أولى حلقات برنامج "رامز جاب من الآخر" المعروض على قناة "MBC مصر" ومنصة "شاهد".
ورد هشام عاشور في فيديو عبر حسابه بموقع انستجرام، قائلا: "أنا عارف ان الناس بتحب الأكشن وتبحب تتفرج على اتنين بيموتو بعض"، وتابع: "عشان أرد على القصة بتاعة باسم السمرة، دا رجل ممثل محترف ولطيف جدا وقلبه أبيض وجدع وانا عن نفسي بحبه جدا وبإذن الله هشتغل معاه في يوم من الأيام، هو من الاخر اتاخد على خوانة.. رامز قال له انا اخوك وحبيبك وتعالى نقعد مع بعض وهو ليس على الهواء وتحدث عن هشام عاشور ونيللي كريم.. فا باسم بيعلي الافيه ورامز صورها ونزلها.. يعني تخيل أنا قاعد مع أخويا ونتحدث عن أي أحد قريب مننا عادي بتحصل، يقوم مصورني اخويا وينزلها في كل حتة".
ووجه هشام عاشور اللوم إلى رامز جلال بقوله: "الله يكون في عونك.. هو دا الضحك يعني.. انت كدا هتجيب فلوس يعني.. أنت دمك لا خفيف ولا لذاذة.. انا زعلان منك والله".
وكان باسم سمرة قد قال عند سؤال رامز جلال عن تصريحاته السابقة أنه من قام بتعليم نيللي كريم التمثيل في مسلسل "ذات": "صرحت قبل كده إني علمت نيللي كريم التمثيل وده بسبب إن أنا ونيللي كنا هنشتغل مع بعض في عمل فني، بس اتجوزت وجابت زوجها يمثل مكاني، زوجها بتاع إسكواش بس كان عايز يمثل فخدته مكاني في العمل ده".
