تعرضت الممثلة اللبنانية نادين نسيب نجيم، لموجة من الانتقادات اللاذعة عقب نشرها مقطعا مصورا تظهر فيه وهي تتناول وجبة من سلسلة مطاعم "ماكدونالدز" التي تندرج ضمن قائمة الشركات المقاطعة نصرة للشعب الفلسطيني، ما اضطرها إلى الاعتذار.
وفي التفاصيل، نشرت نجيم عبر خاصية "ستوري" في حسابها على منصة "إنستغرام"، خلال عودتها من دبي إلى لبنان، مقطعا مصورا أثناء تناولها وجبة "ماكدونالدز" قبل أن ترفع كأس المشروب الغازي لتظهر شعار الشركة.

هذا الفيديو، سبب هجوما كبيرا على نادين، اذ شكك البعض بموقفها الداعم للقضية الفلسطينية منذ بداية أحداث 7 أكتوبر، لافتين إلى أن ترويجها للشركة يحمل في طياته نوعا من عدم التعاطف في الفلسطينيين، وانقسمت ردود الأفعال بين مدافع ومهاجم.

وطالب بعضهم بمقاطعة مسلسلها "2024"، المقرر عرضه في موسم رمضان المقبل،
نادين نجيم سارعت وحذفت الستوري، وشاركت فيديو تعتذر فيه من المتابعين، حيث قالت "بعرف إنو إنتو محقونين وبعرف إنو حقكم تعلموا ردة الفعل، im really sorry أنا والله لما حطيت الستوري ما إجا ببالي لا أعمل دعاية لماكدونالدز لأنو ما بيهمني ولا بيعنيلي كشركة، أنا بس حبيت شاركن إنو أنا باكل هيدا الشي أنا وطالعة عالطيارة، ولا إجا ببالي الموضوع متل ما إنتو أخدتوها إنن بيدعموا إسرائيل

وتابعت نجيم، "نسيت وبعتذر اذا هيدا الشي زعلكم إنتو بتعرفوا إنو إنتو كتير غاليين على قلبي، وانا ما بريد أبداً حدا يزعل ومسامحة كل إنسان كتبلي تعليق بشع لأن ما بيعرفوا قديه أنا شخص كتير داعم للقضية، وكتير متعاطفة ومتضايقة مع كل شي عم بيصير ونحنا كمان مأثرين ببلدنا معكم وحاسين فيكم ولهيك رح إمسح الستوري".

وأضافت، "بليز ما تاخدوها شخصية ما كنت بعنيها متل ما فهمتوها، كان بدي اتغدا وكان هالشي أسرع شي وأنا حدا ما بيكذب وعايشة حياتي بعفوية، وهي ما وقفت على الماكدونالدز بس هو في كتير اشيا عم نستخدمها وبعدها فاتحة ببلادنا هي لشركات نحنا ضد سياستهم".

من جهة ثانية، طرحت الفنانة اللبنانية الملصق الدعائي لمسلسل "2024" الذي سيعرض خلال السباق الرمضاني ويشاركها في بطولته النجم السوري محمد الأحمد وعلقت: "القضية بعد ما تسكّرت 2024 يُعرض خلال شهر رمضان المبارك".