أعلنت المخرجة السورية رشا شربتجي، انتهاء تصوير جديدها الدرامي “المهرج”، وشاركت مجموعة صور من “لوكيشن” التصوير أرفقتها بتعليق قالت فيه: “تجربة عشارية (المهرج) انتهت من موقع التصوير بس لسه ناطرين نشوفها على الشاشة ونفرح بهاد المُنتَج اللي بتمنى يكون حلو ومميز بحجم الجهد اللي بذلناه”. تابعت رشا: “كانت لحظات ممتعة، غنية، مُفرِحة بتعبها وشغلها مع نجوم وأساتذة كبار وشركة راقية متل (دراما شيلف)، قدرت تمنحنا كل المطلوب لإنجاح العمل، وخلتني أتحمس قدم أول عمل قصير بمسيرتي المهنية على أمل يشوف الضو قريباً وينعرض بطريقة مميزة تليق بالجمهور… الشكر لكل الفنانين والفنيين اللي كانوا معنا، وتعبوا وقدموا وقتهن وجهدهن ليكونوا حاضرين بكل حواسهن قبل وأثناء وبعد التصوير، شكراً كبيرة للأساتذة المنتج تمام سلامة، الكاتب بسام جنيد، المخرج المنفذ وسيم بدر، DOP نزار واوية، المدير الفني سامر المصري، مدير الإنتاج رائد أبو لحاف، مونتاج سالم درباس، مهندس الديكور زكريا الطيان، ستايلست لين هزيم، المخرج المساعد طارق سلطان، الموسيقى سائد الهشيم، مدير التصوير مازن بركات، روننغ أحمد حسابا، Line producer حنين مقداد، والفوتوغرافر نبيل نجم اللي التقط اللحظات الحلوة.. كل المحبة الكن فرداً فرداً وعلى أمل لقاء قريب بأعمال مهمة تانية”. وكانت شربتجي، شاركت معلومات وصورا عن المسلسل قبل التصوير، أرفقتها بالتعليق: “التحضيرات حلوة، الأجواء إيجابية، ومبسوطين باللي عم نشتغلو وعم نحاول يكون كل شي مميز حتى تحبوه وقت العرض.. (المهرج) ادعولنا بالتوفيق”. وقالت عن الفريق: “نص بسام جنيد، إخراج رشا شربتجي، المنتج تمام سلامة، إنتاج shelve drama.. بطولة باسم ياخور، أمل بوشوشة، خالد القيش، نضال نجم، ديمة الجندي، غزوان لصفدي، عدنان أبو الشامات، إبراهيم شيخ إبراهيم، بلال قطان، راما زين العابدين، روعة السعدي”.